“行得快，好世界” 嘅由来 世界 “行得快，好世界” 嘅由来 “行得快，好世界” 呢句俗语来源于早期商办巴士公司嘅一个宣传广告。 当时巴士公司编咗一首广州方言广告歌，支歌仔系噉样唱嘅：“搭上加拿大，快趣好世界；行路摩得多，车仔无咁快；一粒银之嘛，快搭加拿大”（即系话“加拿大”又快又便宜）。 1922年，加拿大华侨蒋寿石等人集股创建咗广州最早嘅巴士公司，开展商办长途搭客汽车同埋承办市内巴士业务。嗰年，蒋寿石购置咗15驾8座汽车。开始咗汽车同“车仔”嘅竞争。为咗保护人力车夫嘅基本生计，政府规定巴士嘅总数只能够维持在10到15驾之间，每驾车可载乘客30人左右。早期只设一条线路：由财厅前经惠爱路到太平南、普济桥到西濠口止。扬手即停，上车无论远近，每个人都收白银1毫。 嗰啲巴士系由旧货车改制而成嘅，加多个顶篷，摆两排长座椅畀乘客坐。对于噉嘅新鲜事物，大家都唔知叫佢做乜嘢好，于是就依据当时巴士公司挂喺车身两边嘅广告横幅“搭上加拿大，快趣好世界”， 叫佢做“加拿大”。由于广告歌朗朗上口，流传得好快，慢慢就演变成为市民嘴边嘅俗语：“行得快，好世界。” 事实上，行得快，都唔系话咁好世界。 蒋寿石呢个巴士公司经营一年几就蚀咗两万几蚊。 诸多限制，唔蚀至出奇。 本文来源：https://www.wddqw.com/doc/ed0f3bc7650e52ea5418982c.html